[299] Athakho āyasmā sobhito bhikkhū āmantesi ahaṃ āvuso pañca kappasatāni anussarāmīti . bhikkhū ujjhāyanti khīyanti vipācenti kathaṃ hi nāma āyasmā sobhito evaṃ vakkhati ahaṃ Āvuso pañca kappasatāni anussarāmīti uttarimanussadhammaṃ āyasmā sobhito ullapatīti . bhagavato etamatthaṃ ārocesuṃ. Atthesā bhikkhave sobhitassa sā ca kho ekāyeva jāti saccaṃ bhikkhave sobhito āha anāpatti bhikkhave sobhitassāti. Catutthapārājikaṃ niṭṭhitaṃ. -------------