[368] Tena kho pana samayena aññatarassa bhikkhuno udañjale kīḷantassa asuci mucci . tassa kukkuccaṃ ahosi .pe. anāpatti bhikkhu namocanādhippāyassāti. {368.1} Tena kho pana samayena aññatarassa bhikkhuno mocanādhippāyassa udañjale kīḷantassa asuci mucci .pe. asuci na mucci. Tassa kukkuccaṃ ahosi .pe. Anāpatti bhikkhu saṅghādisesassa āpatti thullaccayassāti.

[369] Tena kho pana samayena aññatarassa bhikkhuno udake dhāvantassa asuci mucci . tassa kukkuccaṃ ahosi .pe. anāpatti bhikkhu namocanādhippāyassāti. {369.1} Tena kho pana samayena aññatarassa bhikkhuno mocanādhippāyassa udake dhāvantassa asuci mucci .pe. Asuci na mucci. Tassa kukkuccaṃ ahosi .pe. Anāpatti bhikkhu saṅghādisesassa āpatti thullaccayassāti.

[370] Tena kho pana samayena aññatarassa bhikkhuno pupphāvaḷiyaṃ Kīḷantassa asuci mucci . tassa kukkuccaṃ ahosi .pe. anāpatti bhikkhu namocanādhippāyassāti. {370.1} Tena kho pana samayena aññatarassa bhikkhuno mocanādhippāyassa pupphāvaḷiyaṃ kīḷantassa asuci mucci .pe. asuci na mucci. Tassa kukkuccaṃ ahosi .pe. Anāpatti bhikkhu saṅghādisesassa āpatti thullaccayassāti.

[371] Tena kho pana samayena aññatarassa bhikkhuno pokkharavane dhāvantassa asuci mucci . tassa kukkuccaṃ ahosi .pe. anāpatti bhikkhu namocanādhippāyassāti. {371.1} Tena kho pana samayena aññatarassa bhikkhuno mocanādhippāyassa pokkharavane dhāvantassa asuci mucci .pe. Asuci na mucci. Tassa kukkuccaṃ ahosi .pe. Anāpatti bhikkhu saṅghādisesassa āpatti thullaccayassāti.