[118] Cundassa bhattaṃ bhuñjitvā kammārassāti me sutaṃ ābādhaṃ samphusi dhīro sabāḷhaṃ maraṇantikaṃ. Bhuttassa ve sūkaramaddavena byādhī sabāḷhā udapādi satthu virecamāno bhagavā avoca gacchāmahaṃ kusināraṃ -* nagaranti. (imā gāthāyo saṅgītikāle saṅgītikārakehi vuttā 8-)

[119] Athakho bhagavā maggā okkamma yena aññataraṃ rukkhamūlaṃ tenupasaṅkami upasaṅkamitvā āyasmantaṃ ānandaṃ āmantesi iṅgha me tvaṃ ānanda catugguṇaṃ saṅghāṭiṃ paññapehi kilantosmi ānanda nisīdissāmīti . evaṃ bhanteti kho āyasmā ānando