[๑๔๑] ทานํปิ จตฺถจริยตญฺจ ๓ ปิยวทตญฺจ สมานฉนฺทญฺจ ๔ กริย จริย สุสงฺคหํ พหุนฺนํ อนวมเตน คุเณน ยาติ สคฺคํ ฯ จวิย ปุนริธาคโต สมาโน กรจรณมุทุกญฺจ ๕ ชาลิโน จ อติรุจิรสุวคฺคทสฺสเนยฺยํ ๖ ปฏิลภติ ทหโร สุสุกุมาโร ฯ ภวติ ปริชนสฺส โว วิเธยฺโย มหิมํ อาวสิโต ๗ สุสงฺคหิโต ปิยวทู หิตสุขตํ ชิคึสมาโน อภิรุจิตานิ คุณานิ อาจรติ ฯ ยทิ ปชหติ ๘สพฺพกามโภคํ ๙ กถยติ ธมฺมกถํ ชิโน ชนสฺส วจนปฏิกรสฺสาภิปฺปสนฺนา สุตฺวาน ธมฺมานุธมฺมมาจรนฺตีติ ฯ

[๑๔๒] ยํปิ ภิกฺขเว ตถาคโต ปุริมํ ชาตึ ปุริมํ ภวํ ปุริมํ นิเกตํ ปุพฺเพ มนุสฺสภูโต สมาโน อตฺถูปสญฺหิตํ ธมฺมูปสญฺหิตํ วาจํ ภาสิตา อโหสิ พหุชนํ นิทสฺเสติ ๑ ปาณีนํ หิตสุขาวโห ธมฺมยาคี ฯ โส ตสฺส กมฺมสฺส กตตฺตา อุปจิตตฺตา วิปุลตฺตา ฯเปฯ โส ตโต จุโต อิตฺถตฺตํ อาคโต สมาโน อิมานิ เทฺว มหาปุริสลกฺขณานิ ปฏิลภติ อุสฺสงฺขปาโท จ โหติ อุทฺธคฺคโลโม จ ฯ โส เตหิ ลกฺขเณหิ สมนฺนาคโต สเจ อคารํ อชฺฌาวสติ ราชา โหติ จกฺกวตฺติ ฯเปฯ ราชา สมาโน กึ ลภติ อคฺโค จ โหติ เสฏฺโฐ จ ปาโมกฺโข จ อุตฺตโม จ ปวโร จ กามโภคีนํ ราชา สมาโน อิทํ ลภติ ฯเปฯ พุทฺโธ สมาโน กึ ลภติ อคฺโค จ โหติ เสฏฺโฐ จ ปาโมกฺโข จ อุตฺตโม จ ปวโรG จ สพฺพสตฺตานํ พุทฺโธ สมาโน อิทํ ลภติ ฯ เอตมตฺถํ ภควา อโวจ ฯ ตตฺเถตํ วุจฺจติ

[๑๔๓] อตฺถธมฺมํ สงฺคหิตํ ๓ ปุเร ติรํ ๔ เอริยํ ๕ พหุชนํ นิทํสยิ ปาณินํ หิตสุขาวโห อหุ ธมฺมยาคํ อสฺสชฺชิ ๖ อมจฺฉรี ฯ เตน โส สุจริเตน กมฺมุนา สุคตึ วชติ ตตฺถ โมทติ ลกฺขณานิ จ ทุเว อิธาคโต อุตฺตมสุขตาย ๑ วินฺทติ ๒ ฯ อุพฺภมุปฺปติตโลมวา สโส ปาทคณฺฐิรหุ สาธุ สณฺฐิตา มํสโลหิตาจิตา ตโจตฺถฏา ๓ อุปริชานุ โสภนา ๔ อหุ ฯ เคหมาวสติ เจ ตถาวิโธ อคฺคตํ วชติ กามโภคินํ เตน อุตฺตริตรญฺจ ๕ น วิชฺชติ ชมฺพุทีปํ อภิภุยฺย อิริยติ ๖ ฯ ปพฺพชฺชาปิ จ ๗ อโนมนิกฺกโม อคฺคตํ วชติ สพฺพปาณินํ เตน อุตฺตริตโร น วิชฺชติ สพฺพโลกํ อภิภุยฺย วิหรตีติ ฯ