[309] Cha saññākāyā rūpasaññā .pe. Dhammasaññā.

[310] Cha sañcetanākāyā rūpasañcetanā .pe. Dhammasañcetanā.

[311] Cha taṇhākāyā rūpataṇhā saddataṇhā gandhataṇhā rasataṇhā phoṭṭhabbataṇhā dhammataṇhā.

[312] Cha agāravā idhāvuso bhikkhu satthari agāravo viharati appatisso dhamme agāravo viharati appatisso saṅghe agāravo viharati appatisso sikkhāya agāravo viharati appatisso appamāde agāravo viharati appatisso paṭisanthāre agāravo viharati appatisso.