[๒๓๒] เอกมนฺตํ ฐิโต โข กามโท เทวปุตฺโต ภควนฺตํ เอตทโวจ ทุกฺกรํ ภควา สุทุกฺกรํ ภควาติ ฯ ทุกฺกรํ วาปิ กโรนฺติ [กามทาติ ภควา] เสกฺขสีลสมาหิตา ๒ ฐิตตฺตา อนคาริยุเปตสฺส ตุฏฺฐิ โหติ สุขาวหาติ ฯ

[๒๓๓] ทุลฺลภา ภควา ยทิทํ ตุฏฺฐีติ ฯ ทุลฺลภํ วาปิ ลภนฺติ [กามทาติ ภควา] จิตฺตวูปสเม รตา เยสํ ทิวา จ รตฺโต จ ภาวนาย รโต มโนติ ฯ

[๒๓๔] ทุสฺสมาทหํ ภควา ยทิทํ จิตฺตนฺติ ฯ ทุสฺสมาทหํ วาปิ สมาทหนฺติ [กามทาติ ภควา] อินฺทฺริยูปสเม รตา เต เฉตฺวา มจฺจุโน ชาลํ อริยา คจฺฉนฺติ กามทาติ ฯ

[๒๓๕] ทุคฺคโม ภควา วิสโม มคฺโคติ ฯ ทุคฺคเม วิสเม วาปิ อริยา คจฺฉนฺติ กามท อนริยา วิสเม มคฺเค ปปตนฺติ อวํสิรา อริยานํ สโม มคฺโค อริยา หิ วิสเม สมาติ ฯ สตฺตมํ ปญฺจาลจณฺฑสุตฺตํ