[434] Evamme sutaṃ ekaṃ samayaṃ bhagavā rājagahe viharati veḷuvane kalandakanivāpe . atha kho bhagavā bahudeva rattiṃ ajjhokāse caṅkamitvā rattiyā paccūsasamayaṃ pāde pakkhāletvā vihāraṃ pavisitvā dakkhiṇena passena sīhaseyyaṃ kappesi pādena pādaṃ accādhāya sato sampajāno uṭṭhānasaññaṃ manasikaritvā.

[435] Atha kho māro pāpimā yena bhagavā tenupasaṅkami upasaṅkamitvā bhagavantaṃ gāthāya ajjhabhāsi kiṃ soppasi kiṃ nu soppasi kimidaṃ soppasi dubbhato viya suññamagāranti soppasi kimidaṃ soppasi suriye uggateti.

[436] Yassa jālinī visattikā taṇhā natthi kuhiñci netave sabbapadhīnaṃ parikkhayā buddho soppati kiṃ tavettha mārāti. Atha kho māro pāpimā .pe. Tatthevantaradhāyīti.