[925] Ekaṃ samayaṃ bhagavā sāvatthiyaṃ viharati jetavane anāthapiṇḍikassa ārāme . tena kho pana samayena bhagavā divāvihāragato hoti paṭisallīno . atha kho sakko ca devānamindo brahmā ca sahampati yena bhagavā tenupasaṅkamiṃsu upasaṅkamitvā paccekaṃ dvārabāhaṃ nissāya aṭṭhaṃsu.

[926] Atha kho sakko devānamindo bhagavato santike imaṃ gāthaṃ abhāsi Uṭṭhāhi vīra vijitasaṅgāma pannabhāra anaṇa vicara loke cittañca te suvimuttaṃ cando yathā pannarasāya rattinti.

[927] Na kho devānaminda tathāgatā evaṃ vanditabbā . Evañca kho devānaminda tathāgatā vanditabbā uṭṭhāhi vīra vijitasaṅgāma satthavāha anaṇa vicara loke desetu bhagavā dhammaṃ aññātāro bhavissantīti.