[321] Atha kho māṇavagāmiyo devaputto bhagavantaṃ ārabbha bhagavato santike imā gāthāyo abhāsi vipulo rājagahiyānaṃ giri seṭṭho pavuccati seto himavataṃ seṭṭho ādicco aghagāminaṃ samuddodadhinaṃ seṭṭho nakkhattānañca candimā sadevakassa lokassa buddho aggo pavuccatīti. Nānātitthiyavaggo tatiyo. Tassuddānaṃ sivo khemo ca serī ca ghaṭi jantu ca rohito nando nandivisālo ca susimo nānātitthiyena te dasāti. Devaputtasaṃyuttaṃ niṭṭhitaṃ. ---------