[455] Evamme sutaṃ ekaṃ samayaṃ bhagavā kosalesu viharati ekasālāyaṃ brāhmaṇagāme . tena kho pana samayena bhagavā mahatiyā gihiparisāya parivuto dhammaṃ deseti . atha kho mārassa pāpimato etadahosi ayaṃ kho samaṇo gotamo mahatiyā gihiparisāya parivuto dhammaṃ deseti yannūnāhaṃ yena samaṇo gotamo tenusaṅkameyyaṃ vicakkhukammāyāti.

[456] Atha kho māro pāpimā yena bhagavā tenupasaṅkami upasaṅkamitvā bhagavantaṃ gāthāya ajjhābhāsi netaṃ tava paṭirūpaṃ yadaññamanusāsasi anurodhavirodhesu mā sajjittha tadācaranti.

[457] Hitānukampī sambuddho yadaññamanusāsati anurodhavirodhehi vippamutto tathāgatoti. Atha kho māro pāpimā jānāti maṃ bhagavā jānāti maṃ sugatoti dukkhī dummano tatthevantaradhāyīti.