[517] Atha kho aratī māradhītā bhagavantaṃ gāthāya ajjhabhāsi kathaṃvihārībahulodha bhikkhu pañcoghatiṇṇo atarīdha chaṭṭhaṃ kathaṃ jhāyaṃ bahulaṃ kāmasaññā paribāhirā honti aladdhayo tanti.

[518] Passaddhakāyo suvimuttacitto asaṅkharāno satimā anoko aññāya dhammaṃ avitakkajhāyī na kuppati na sarati na thino evaṃvihārībahulodha bhikkhu pañcoghatiṇṇo atarīdha chaṭṭhaṃ evaṃ jhāyaṃ bahulaṃ kāmasaññā paribāhirā honti aladdhayo tanti.

[519] Atha kho rāgā māradhītā bhagavantaṃ gāthāya ajjhabhāsi Acchejja taṇhaṃ taṇasaṅghavārī addhā carissanti bahū ca saddhā bahuṃ vatāyaṃ janataṃ anoko acchejja nessati maccurājassa pāranti.

[520] Nayanti ve mahāvīrā saddhammena tathāgatā dhammena nayamānānaṃ kā ussuyā vijānatanti.