[675] Gāthābhigītaṃ me abhojaneyyaṃ sampassataṃ brāhmaṇa esa dhammo gāthābhigītaṃ panudanti buddhā dhamme sati brāhmaṇa vutti resā Aññena ca kevalinaṃ mahesiṃ khīṇāsavaṃ kukkuccavūpasantaṃ annena pānena upaṭṭhahassu khettañhi taṃ puññapekkhassa hotīti.

[676] Evaṃ vutte kasibhāradvājo brāhmaṇo bhagavantaṃ etadavoca abhikkantaṃ bho gotama abhikkantaṃ bho gotama .pe. Ajjatagge pāṇupetaṃ saraṇaṅgatanti.