[771] Ekaṃ samayaṃ āyasmā ānando kosalesu viharati aññatarasmiṃ vanasaṇḍe . tena kho pana samayena āyasmā ānando ativelaṃ gihisaññattibahulo viharati.

[772] Atha kho yā tasmiṃ vanasaṇḍe adhivatthā devatā āyasmato Ānandassa anukampikā atthakāmā āyasmantaṃ ānandaṃ saṃvejetukāmā yenāyasmā ānando tenupasaṅkami upasaṅkamitvā āyasmantaṃ ānandaṃ gāthāya ajjhabhāsi rukkhamūlagahanaṃ pasakkiya nibbānaṃ hadayasmiṃ opiya jhāya gotama mā [1]- pamādo kiṃ te pīḷipīḷikā karissatīti. Atha kho āyasmā ānando tāya devatāya saṃvejito saṃvegamāpādīti.