[811] Ekaṃ samayaṃ bhagavā magadhesu viharati maṇimāḷake cetiye maṇibhaddassa yakkhassa bhavane.

[812] Atha kho maṇibhaddo yakkho yena bhagavā tenupasaṅkami upasaṅkamitvā bhagavato santike imaṃ gāthaṃ abhāsi satimato sadā bhaddaṃ satimā sukhamedhati satimato suve seyyo verā ca parimuccatīti . Satimato sadā bhaddaṃ satimā sukhamedhati satimato suve seyyo verā na parimuccatīti.

[813] Yassa sabbamahorattiṃ ahiṃsāya rato mano mettaṃso sabbabhūtesu verantassa na kenacīti.