[76] Eṇijaṅghaṃ kisaṃ vīraṃ appāhāraṃ alolupaṃ sīhaṃvekacaraṃ nāgaṃ kāmesu anapekkhinaṃ upasaṅkamma pucchāma kathaṃ dukkhā pamuccatīti.

[77] Pañca kāmaguṇā loke manochaṭṭhā paveditā ettha chandaṃ virājitvā evaṃ dukkhā pamuccatīti. Sattivaggo tatiyo. Tassuddānaṃ sattiyā phusati ceva jaṭā manonivāraṇā arahantena pajjoto sarā mahaddhanena ca catucakkena navamaṃ eṇijaṅghena te dasāti. -------------