[126] Atha kho aparā devatā bhagavato santike imaṃ udānaṃ udānesi ājānīyo vata bho samaṇo gotamo ājānīyavatā ca panuppannā sārīrikā vedanā dukkhā tibbā kharā kaṭukā asātā amanāpā sato sampajāno adhivāseti avihaññamānoti.

[127] Atha kho aparā devatā bhagavato santike imaṃ udānaṃ udānesi nisabho vata bho samaṇo gotamo nisabhavatā ca panuppannā sārīrikā vedanā dukkhā tibbā kharā kaṭukā asātā amanāpā sato sampajāno adhivāseti avihaññamānoti.

[128] Atha kho aparā devatā bhagavato santike imaṃ udānaṃ udānesi dhorayho vata bho samaṇo gotamo dhorayhavatā ca panuppannā sārīrikā vedanā dukkhā tibbā kharā kaṭukā asātā amanāpā sato sampajāno adhivāseti avihaññamānoti.

[129] Atha kho aparā devatā bhagavato santike imaṃ udānaṃ udānesi danto vata bho samaṇo gotamo dantavatā ca panuppannā sārīrikā vedanā dukkhā tibbā kharā kaṭukā asātā amanāpā sato sampajāno adhivāseti avihaññamānoti.