[569] Sāvatthiyaṃ viharati ... Dāruṇo bhikkhave lābhasakkārasiloko .pe. Adhigamāya.

[570] Saddhā bhikkhave upāsikā ekaṃ puttakaṃ piyaṃ manāpaṃ evaṃ sammā āyācamānā āyāceyya tādiso tāta bhavāhi yādiso citto ca gahapati hatthako ca āḷavakoti . esā Bhikkhave tulā etaṃ pamāṇaṃ mama sāvakānaṃ upāsakānaṃ yadidaṃ citto ca gahapati hatthako ca āḷavako . sace kho tvaṃ tāta agārasmā anagāriyaṃ pabbajasi tādiso tāta bhavāhi yādisā sārīputtamoggallānāti . esā bhikkhave tulā etaṃ pamāṇaṃ mama sāvakānaṃ bhikkhūnaṃ yadidaṃ sārīputtamoggallānā . mā ca kho tvaṃ *- tāta sekkhaṃ appattamānasaṃ lābhasakkārasiloko anupāpuṇātīti . tañce bhikkhave bhikkhuṃ sekkhaṃ appattamānasaṃ lābhasakkārasiloko anupāpuṇāti so tassa hoti antarāyāya . Evaṃ dāruṇo kho bhikkhave lābhasakkārasiloko .pe. evañhi vo bhikkhave sikkhitabbanti. Tatiyaṃ.