[709] Evamme sutaṃ ekaṃ samayaṃ bhagavā sāvatthiyaṃ viharati jetavane anāthapiṇḍikassa ārāme . atha kho āyasmā nando bhagavato mātucchāputto ākoṭitapaccākoṭitāni cīvarāni pārupitvā akkhīni añjitvā acchaṃ pattaṃ gahetvā yena bhagavā tenupasaṅkami upasaṅkamitvā bhagavantaṃ abhivādetvā ekamantaṃ nisīdi.

[710] Ekamantaṃ nisinnaṃ kho āyasmantaṃ nandaṃ bhagavā etadavoca na kho te taṃ nanda paṭirūpaṃ kulaputtassa saddhā agārasmā anagāriyaṃ pabbajitassa yaṃ tvaṃ ākoṭitapaccākoṭitāni cīvarāni pārupeyyāsi akkhīni ca añjeyyāsi acchañca pattaṃ dhāreyyāsi evaṃ kho te nanda paṭirūpaṃ kulaputtassa saddhā agārasmā anagāriyaṃ pabbajitassa yaṃ tvaṃ āraññiko ca assasi piṇḍapātiko ca paṃsukūliko ca kāmesu ca anapekkho vihareyyāsīti.

[711] Idamavoca .pe. Satthā kadāhaṃ nandaṃ passeyyaṃ āraññaṃ paṃsukūlikaṃ aññābhuñjena yāpentaṃ kāmesu anapekkhinanti.

[712] Atha kho āyasmā nando aparena samayena āraññiko ca āsi piṇḍapātiko ca paṃsukūliko ca kāmesu ca anapekkho vihāsīti. Aṭṭhamaṃ.