[410] Sāvatthiyaṃ viharati ... Tatra kho bhagavā ... Paṭhavīdhātuñca hidaṃ bhikkhave ekantadukkhā abhavissa dukkhānupatitā dukkhāvakkantā anavakkantā sukhena nayidaṃ sattā paṭhavīdhātuyā sārajjeyyuṃ . Yasmā ca kho bhikkhave paṭhavīdhātu sukhānupatitā sukhāvakkantā anavakkantā dukkhena tasmā sattā paṭhavīdhātuyā sārajjanti . Āpodhātuñca hidaṃ bhikkhave ... tejodhātuñca hidaṃ bhikkhave ... Vāyodhātuñca hidaṃ bhikkhave ekantadukkhā abhavissa dukkhānupatitā dukkhāvakkantā anavakkantā sukhena nayidaṃ sattā vāyodhātuyā sārajjeyyuṃ . yasmā ca kho bhikkhave vāyodhātu sukhānupatitā sukhāvakkantā anavakkantā dukkhena tasmā sattā vāyodhātuyā sārajjanti.

[411] Paṭhavīdhātuñca hidaṃ bhikkhave ekantasukhā abhavissa sukhānupatitā sukhāvakkantā anavakkantā dukkhena nayidaṃ sattā Paṭhavīdhātuyā nibbindeyyuṃ . yasmā ca kho bhikkhave paṭhavīdhātu dukkhā dukkhānupatitā dukkhāvakkantā anavakkantā sukhena tasmā sattā paṭhavīdhātuyā nibbindanti . āpodhātuñca hidaṃ bhikkhave ... Tejodhātuñca hidaṃ bhikkhave ... vāyodhātuñca hidaṃ bhikkhave ekantasukhā abhavissa sukhānupatitā sukhāvakkantā anavakkantā dukkhena nayidaṃ sattā vāyodhātuyā nibbindeyyuṃ . yasmā ca kho bhikkhave vāyodhātu dukkhā dukkhānupatitā dukkhāvakkantā anavakkantā sukhena tasmā sattā vāyodhātuyā nibbindantīti. Pañcamaṃ.