[412] Sāvatthiyaṃ viharati ... tatra kho bhagavā ... Yo bhikkhave paṭhavīdhātuṃ abhinandati dukkhaṃ so abhinandati . yo dukkhaṃ abhinandati aparimutto so dukkhasmāti vadāmi . yo āpodhātuṃ abhinandati ... Yo tejodhātuṃ abhinandati ... yo vāyodhātuṃ abhinandati dukkhaṃ so abhinandati . yo dukkhaṃ abhinandati aparimutto so dukkhasmāti vadāmi.

[413] Yo ca kho bhikkhave paṭhavīdhātuṃ na abhinandati dukkhaṃ so na abhinandati . yo dukkhaṃ na abhinandati parimutto so dukkhasmāti vadāmi . yo āpodhātuṃ ... yo tejodhātuṃ ... Yo vāyodhātuṃ na abhinandati dukkhaṃ so na abhinandati . yo dukkhaṃ na abhinandati parimutto so dukkhasmāti vadāmīti. Chaṭṭhaṃ.