[289] Sāvatthī . pariññeyye ca bhikkhave dhamme desissāmi pariññañca pariññātāviñca puggalaṃ taṃ suṇātha.

[290] Katame ca bhikkhave pariññeyyā dhammā . rūpaṃ bhikkhave pariññeyyo dhammo vedanā saññā .pe. saṅkhārā . viññāṇaṃ pariññeyyo dhammo. Ime vuccanti bhikkhave pariññeyyā dhammā.

[291] Katamā ca bhikkhave pariññā . rāgakkhayo dosakkhayo mohakkhayo. Ayaṃ vuccati bhikkhave pariññā.

[292] Katamo ca bhikkhave pariññātāvī puggalo . arahātissa vacanīyaṃ . yo ayaṃ āyasmā evaṃnāmo evaṃgotto. Ayaṃ vuccati bhikkhave pariññātāvī puggaloti.