[373] Sāvatthī . ekamantaṃ nisinnaṃ kho āyasmantaṃ rādhaṃ bhagavā etadavoca pañcime rādha upādānakkhandhā . katame pañca . Seyyathīdaṃ . rūpūpādānakkhandho .pe. viññāṇūpādānakkhandho . Yato kho rādha ariyasāvako imesaṃ pañcannaṃ upādānakkhandhānaṃ samudayañca atthaṅgamañca assādañca ādīnavañca nissaraṇañca yathābhūtaṃ pajānāti . ayaṃ vuccati rādha ariyasāvako sotāpanno avinipātadhammo niyato sambodhiparāyanoti.