[43] Sāvatthiyaṃ . tatra kho . rūpaṃ bhikkhave dukkhaṃ yaṃ dukkhaṃ tadanattā yadanattā taṃ netaṃ mama nesohamasmi na meso attāti evametaṃ yathābhūtaṃ sammappaññāya daṭṭhabbaṃ . vedanā dukkhā . Saññā dukkhā . saṅkhārā dukkhā . viññāṇaṃ dukkhaṃ yaṃ dukkhaṃ tadanattā yadanattā taṃ netaṃ mama nesohamasmi na meso attāti evametaṃ yathābhūtaṃ sammappaññāya daṭṭhabbaṃ . evaṃ passaṃ .pe. Nāparaṃ itthattāyāti pajānātīti.