[157] Yadā buddho abhiññāya dhammacakkaṃ pavattayi sadevakassa lokassa satthā appaṭipuggalo. Sakkāyassa nirodhañca sakkāyassa ca sambhavaṃ ariyaṭṭhaṅgikaṃ maggaṃ dukkhūpasamagāminaṃ. Yepi dīghāyukā devā vaṇṇavanto yasassino bhītā santāsamāpāduṃ sīhassevitare migā. Avītivattā sakkāyaṃ aniccā kira bho mayaṃ sutvā arahato vākyaṃ vippamuttassa tādinoti.