[๔๘๖] ปญฺจิมานิ ภิกฺขเว มาตุคามสฺส พลานิ ฯ กตมานิ ปญฺจ ฯ รูปพลํ โภคพลํ ญาติพลํ ปุตฺตพลํ สีลพลํ ฯ อิมานิ โข ภิกฺขเว ปญฺจ มาตุคามสฺส พลานิ ฯ อิเมหิ โข ภิกฺขเว ปญฺจหิ พเลหิ สมนฺนาคโต มาตุคาโม สามิกํ อภิภุยฺย วตฺตติ ฯ เอเกน จ โข ภิกฺขเว พเลน สมนฺนาคโต ปุริโส มาตุคามํ อภิภุยฺย วตฺตติ ฯ กตเมน เอเกน พเลน ฯ อิสฺสริยพเลน อภิภูตํ ภิกฺขเว มาตุคามํ เนว รูปพลํ ตายติ น โภคพลํ ตายติ น ญาติพลํ ตายติ น ปุตฺตพลํ ตายติ น สีลพลํ ตายตีติ ฯ ตติยํ ฯ