[24] Sabbaṃ vo bhikkhava desissāmi taṃ suṇātha . kiñca bhikkhave sabbaṃ cakkhuñceva rūpā ca sotañca saddā ca ghānañca gandhā ca jivhā ca rasā ca kāyo ca phoṭṭhabbā ca mano ca dhammā ca . idaṃ vuccati bhikkhave sabbaṃ . yo bhikkhave evaṃ vadeyya ahametaṃ sabbaṃ paccakkhāya aññaṃ [1]- paññapessāmīti . Tassa vācā vatthudevassa . puṭṭho ca na sampāyeyya uttariṃ ca vighātaṃ āpajjeyya . taṃ kissa hetu . yathā taṃ bhikkhave avisayasminti. Paṭhamaṃ.