[483] Pañcahi anuruddha dhammehi samannāgato mātugāmo kāyassa bhedā paraṃ maraṇā sugatiṃ saggaṃ lokaṃ upapajjati . katamehi pañcahi . pāṇātipātā paṭivirato ca hoti adinnādānā paṭivirato ca hoti kāmesu micchācārā paṭivirato ca hoti musāvādā paṭivirato ca hoti surāmerayamajjapamādaṭṭhānā paṭivirato ca hoti . Imehi kho anuruddha pañcahi dhammehi samannāgato mātugāmo kāyassa bhedā paraṃ maraṇā sugatiṃ saggaṃ lokaṃ upapajjatīti. Peyyālavaggo samatto. Tassuddānaṃ dve manāpā amanāpā ca āveṇikā tīhi anuruddho kodhano upanāhī ca issukī maccharena ca. Aticārī ca dussīlaṃ appassuto ca kusito muṭṭhassati [3]- pañcaveraṃ kaṇhapakkhe pakāsito. Anuruddho akkodhano anupanāhī anissukī amaccharī anaticārī sīlavā ca bahussuto viriyasati pañcasīlā ca sukkapakkhe pakāsitoti. ---------------