[435] Atha kho aññataro bhikkhu yena bhagavā tenupasaṅkami upasaṅkamitvā bhagavantaṃ abhivādetvā ekamantaṃ nisīdi . ekamantaṃ nisinno kho so bhikkhu bhagavantaṃ etadavoca bojjhaṅgā bojjhaṅgāti bhante vuccanti kittāvatā nu kho bhante bojjhaṅgāti vuccantīti . Sambodhāya saṃvattantīti kho bhikkhu tasmā bojjhaṅgāti vuccanti.

[436] Idha bhikkhave bhikkhu satisambojjhaṅgaṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ .pe. upekkhāsambojjhaṅgaṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ . Sambodhāya saṃvattantīti kho bhikkhu tasmā bojjhaṅgāti vuccantīti.