[627] Evamme sutaṃ ekaṃ samayaṃ bhagavā rājagahe viharati gijjhakūṭe pabbate . atha kho abhayo rājakumāro yena bhagavā tenupasaṅkami upasaṅkamitvā bhagavantaṃ abhivādetvā ekamantaṃ nisīdi . Ekamantaṃ nisinno kho abhayo rājakumāro bhagavantaṃ etadavoca

[628] Pūraṇo bhante kassapo evamāha natthi hetu natthi paccayo aññāṇāya adassanāya ahetu appaccayo aññāṇaṃ adassanaṃ hoti . natthi hetu natthi paccayo ñāṇāya dassanāya ahetu appaccayo ñāṇaṃ dassanaṃ hotīti. Idha bhagavā kimāhāti.

[629] Atthi rājakumāra hetu atthi paccayo aññāṇāya adassanāya sahetu sappaccayo aññāṇaṃ adassanaṃ hoti . atthi rājakumāra hetu atthi paccayo ñāṇāya dassanāya sahetu Sappaccayo ñāṇaṃ dassanaṃ hotīti.

[630] Katamo [1]- bhante hetu katamo paccayo aññāṇāya adassanāya. Kathaṃ sahetu sappaccayo aññāṇaṃ adassanaṃ hotīti.