[337] Sāvatthīnidānaṃ . cattārīmāni bhikkhave upādānāni . Katamāni cattāri . kāmūpādānaṃ diṭṭhūpādānaṃ sīlabbatūpādānaṃ attavādūpādānaṃ. Imāni kho bhikkhave cattāri upādānāni.

[338] Imesaṃ kho bhikkhave catunnaṃ upādānānaṃ abhiññāya pariññāya parikkhayāya pahānāya .pe. ayaṃ ariyo aṭṭhaṅgiko maggo bhāvetabboti.

[339] Sāvatthīnidānaṃ . cattārome bhikkhave ganthā . Katame cattāro . abhijjhā kāyagantho byāpādo kāyagantho sīlabbataparāmāso kāyagantho idaṃsaccābhiniveso kāyagantho . Ime kho bhikkhave cattāro ganthā.

[340] Imesaṃ kho bhikkhave catunnaṃ ganthānaṃ abhiññāya pariññāya parikkhayāya pahānāya .pe. ayaṃ ariyo aṭṭhaṅgiko maggo bhāvetabboti.