[631] Yasmiṃ kho rājakumāra samaye kāmarāgapariyuṭṭhitena cetasā viharati kāmarāgaparetena uppannassa ca kāmarāgassa nissaraṇaṃ yathābhūtaṃ nappajānāti na passati . ayampi kho rājakumāra hetu ayaṃ paccayo aññāṇāya adassanāya . evampi sahetu sappaccayo aññāṇaṃ adassanaṃ hoti.

[632] Puna caparaṃ rājakumāra yasmiṃ samaye byāpādapariyuṭṭhitena cetasā viharati byāpādaparetena uppannassa ca byāpādassa nissaraṇaṃ yathābhūtaṃ nappajānāti na passati . ayampi kho rājakumāra hetu ayaṃ paccayo aññāṇāya adassanāya . evampi sahetu sappaccayo aññāṇaṃ adassanaṃ hoti.

[633] Puna caparaṃ rājakumāra yasmiṃ samaye thīnamiddhapariyuṭṭhitena cetasā.

[634] Uddhaccakukkuccapariyuṭṭhitena cetasā.