[835] Tisso imā bhikkhave vedanā . katamā tisso . Sukhā vedanā dukkhā vedanā adukkhamasukhā vedanā . imā kho bhikkhave tisso vedanā.

[836] Imāsaṃ kho bhikkhave tissannaṃ vedanānaṃ pariññāya cattāro satipaṭṭhānā bhāvetabbā . katame cattāro . idha bhikkhave bhikkhu kāye kāyānupassī viharati ātāpī sampajāno satimā vineyya loke abhijjhādomanassaṃ . vedanāsu citte dhammesu dhammānupassī viharati ātāpī sampajāno satimā vineyya loke abhijjhādomanassaṃ . imāsaṃ kho bhikkhave tissannaṃ vedanānaṃ pariññāya ime cattāro satipaṭṭhānā bhāvetabbāti.