[84] Sāvatthīnidānaṃ . tisso imā bhikkhave vedanā. Katamā tisso . sukhā vedanā dukkhā vedanā adukkhamasukhā vedanā . Imā kho bhikkhave tisso vedanā.

[85] Imāsaṃ kho bhikkhave tissannaṃ vedanānaṃ pariññāya ariyo aṭṭhaṅgiko maggo bhāvetabbo . katamo ariyo aṭṭhaṅgiko maggo. Seyyathīdaṃ . sammādiṭṭhi .pe. sammāsamādhi . imāsaṃ kho bhikkhave tissannaṃ vedanānaṃ pariññāya ariyo aṭṭhaṅgiko maggo bhāvetabboti.