[1038] Seyyathāpi bhikkhave yāni kānici jaṅgalānaṃ pāṇānaṃ padajātāni sabbāni tāni hatthipade samodhānaṃ gacchanti hatthipadaṃ tesaṃ aggamakkhāyati yadidaṃ mahantattena . evameva kho bhikkhave yāni kānici padāni bodhāya saṃvattanti paññindriyaṃ padaṃ tesaṃ aggamakkhāyati yadidaṃ bodhāya.

[1039] Katamāni ca bhikkhave padāni bodhāya saṃvattanti . Saddhindriyaṃ bhikkhave padaṃ taṃ bodhāya saṃvattati . viriyindriyaṃ padaṃ taṃ bodhāya saṃvattati . satindriyaṃ padaṃ taṃ bodhāya saṃvattati. Samādhindriyaṃ padaṃ taṃ bodhāya saṃvattati. Paññindriyaṃ padaṃ taṃ bodhāya saṃvattati.