[1525] Idha bhante kocideva dhammasamuppādo uppajjeyya ekato assa bhagavā ekato bhikkhusaṅgho bhikkhunīsaṅgho upāsakā upāsikāyo sadevako ca loko samārako sabrahmako sassamaṇabrāhmaṇī Pajā sadevamanussā yeneva bhagavā tenevāhaṃ assaṃ evaṃ pasannaṃ maṃ bhante bhagavā dhāretūti.

[1526] Evaṃvādī tvaṃ godhe mahānāmaṃ sakkaṃ kiṃ vadesīti. Evaṃvādāhaṃ bhante mahānāmaṃ sakkaṃ na kiñci vadāmi aññatra kalyāṇā aññatra kusalāti.