[481] 42 Tīhi bhikkhave ṭhānehi saddho pasanno veditabbo katamehi tīhi sīlavantānaṃ dassanakāmo hoti saddhammaṃ sotukāmo Hoti vigatamalamaccherena cetasā agāraṃ ajjhāvasati muttacāgo payatapāṇi vossaggarato yācayogo dānasaṃvibhāgarato imehi kho bhikkhave tīhi ṭhānehi saddho pasanno veditabboti. Dassanakāmo sīlavataṃ saddhammaṃ sotumicchati vineyya maccheramalaṃ sa ve saddhoti vuccatīti.