[355] 109 Dvinnaṃ bhikkhave āsavā vaḍḍhanti katamesaṃ dvinnaṃ yo ca akappiye kappiyasaññī yo ca kappiye akappiyasaññī imesaṃ kho bhikkhave dvinnaṃ āsavā vaḍḍhantīti.

[356] 110 Dvinnaṃ bhikkhave āsavā na vaḍḍhanti katamesaṃ dvinnaṃ yo ca akappiye akappiyasaññī yo ca kappiye kappiyasaññī imesaṃ kho bhikkhave dvinnaṃ āsavā na vaḍḍhantīti.

[357] 111 Dvinnaṃ bhikkhave āsavā vaḍḍhanti katamesaṃ dvinnaṃ yo ca anāpattiyā āpattisaññī yo ca āpattiyā anāpattisaññī imesaṃ kho bhikkhave dvinnaṃ āsavā vaḍḍhantīti.

[358] 112 Dvinnaṃ bhikkhave āsavā na vaḍḍhanti katamesaṃ dvinnaṃ yo ca anāpattiyā anāpattisaññī yo ca āpattiyā Āpattisaññī imesaṃ kho bhikkhave dvinnaṃ āsavā na vaḍḍhantīti.