[363] 117 Dvemā bhikkhave āsā duppajahā katamā dve lābhāsā ca jīvitāsā ca imā kho bhikkhave dve āsā duppajahāti.

[364] 118 Dveme bhikkhave puggalā dullabhā lokasmiṃ katame Dve yo ca pubbakārī yo ca kataññū katavedī ime kho bhikkhave dve puggalā dullabhā lokasminti.

[365] 119 Dveme bhikkhave puggalā dullabhā lokasmiṃ katame dve titto ca tappetā ca ime kho bhikkhave dve puggalā dullabhā lokasminti.

[366] 120 Dveme bhikkhave puggalā duttappayā katame dve yo ca laddhaṃ laddhaṃ nikkhipati yo ca laddhaṃ laddhaṃ vissajjeti ime kho bhikkhave dve puggalā duttappayāti.