[371] 125 Dveme bhikkhave paccayā sammādiṭṭhiyā uppādāya katame dve parato ca ghoso yoniso ca manasikāro ime kho bhikkhave dve paccayā sammādiṭṭhiyā uppādāyāti.

[372] 126 Dvemā bhikkhave āpattiyo katamā dve lahukā ca āpatti garukā ca āpatti imā kho bhikkhave dve āpattiyoti.

[373] 127 Dvemā bhikkhave āpattiyo katamā dve duṭṭhullā ca āpatti aduṭṭhullā ca āpatti imā kho bhikkhave dve āpattiyoti.

[374] 128 Dvemā bhikkhave āpattiyo katamā dve sāvasesā ca āpatti anavasesā ca āpatti imā kho bhikkhave dve āpattiyoti. Āsāvaggo paṭhamo .