[203] Seyyathāpi bhikkhave appamattakopi gūtho duggandho hoti evameva kho ahaṃ bhikkhave appamattakaṃpi bhavaṃ na vaṇṇemi antamaso accharāsaṃghātamattaṃpīti.

[204] Seyyathāpi bhikkhave appamattakaṃpi muttaṃ duggandhaṃ hoti ... appamattakopi kheḷo duggandho hoti ... appamattakopi pubbo duggandho hoti ... appamattakaṃpi lohitaṃ duggandhaṃ hoti evameva kho ahaṃ bhikkhave appamattakaṃpi bhavaṃ na vaṇṇemi antamaso accharāsaṃghātamattaṃpīti. Vaggo tatiyo.