[151] Cattārīmāni bhikkhave indriyāni katamāni cattāri saddhindriyaṃ viriyindriyaṃ samādhindriyaṃ paññindriyaṃ imāni kho bhikkhave cattāri indriyānīti.

[152] Cattārīmāni bhikkhave balāni katamāni cattāri saddhābalaṃ viriyabalaṃ samādhibalaṃ paññābalaṃ imāni kho bhikkhave cattāri balānīti.

[153] Cattārīmāni bhikkhave balāni katamāni cattāri paññābalaṃ viriyabalaṃ anavajjabalaṃ saṅgāhakabalaṃ imāni kho bhikkhave cattāri balānīti.

[154] Cattārīmāni bhikkhave balāni katamāni cattāri satibalaṃ samādhibalaṃ anavajjabalaṃ saṅgāhakabalaṃ imāni kho bhikkhave cattāri balānīti.