[198] Pañcahi bhikkhave aṅgehi samannāgatā vācā subhāsitā hoti no dubbhāsitā anavajjā ca ananuvajjā viññūnaṃ katamehi pañcahi kālena ca bhāsitā hoti saccā ca bhāsitā hoti saṇhā ca bhāsitā hoti atthasañhitā ca bhāsitā hoti mettacittena ca bhāsitā hoti . imehi kho bhikkhave pañcahi aṅgehi samannāgatā vācā subhāsitā hoti no dubbhāsitā anavajjā ca ananuvajjā viññūnanti.