[359] 88 Chahi bhikkhave dhammehi samannāgato suṇantopi saddhammaṃ abhabbo niyāmaṃ okkamituṃ kusalesu dhammesu sammattaṃ katamehi chahi tathāgatappavedite dhammavinaye desiyamāne na sussūsati na sotaṃ odahati na aññācittaṃ upaṭṭhapeti anatthaṃ gaṇhāti atthaṃ riñcati ananulomikāya khantiyā samannāgato hoti imehi kho bhikkhave chahi dhammehi samannāgato suṇantopi saddhammaṃ abhabbo niyāmaṃ okkamituṃ kusalesu dhammesu sammattaṃ.