[6] Na tāva bhikkhave akusalassa samāpatti hoti yāva saddhā paccupaṭṭhitā hoti kusalesu dhammesu yato ca kho bhikkhave saddhā antarahitā hoti assaddhiyaṃ pariyuddhāya tiṭṭhati atha akusalassa samāpatti hoti na tāva bhikkhave akusalassa samāpatti hoti yāva hirī paccupaṭṭhitā hoti kusalesu dhammesu yato ca kho bhikkhave hirī antarahitā hoti ahirikaṃ pariyuddhāya tiṭṭhati atha akusalassa samāpatti hoti na tāva bhikkhave akusalassa samāpatti hoti yāva ottappaṃ paccupaṭṭhitaṃ hoti kusalesu dhammesu yato ca kho bhikkhave ottappaṃ antarahitaṃ hoti anottappaṃ pariyuddhāya tiṭṭhati atha akusalassa samāpatti hoti na tāva bhikkhave akusalassa samāpatti hoti yāva viriyaṃ paccupaṭṭhitaṃ hoti kusalesu dhammesu yato ca kho bhikkhave viriyaṃ antarahitaṃ hoti Kosajjaṃ pariyuddhāya tiṭṭhati atha akusalassa samāpatti hoti na tāva bhikkhave akusalassa samāpatti hoti yāva paññā paccupaṭṭhitā hoti kusalesu dhammesu yato ca kho bhikkhave paññā antarahitā hoti duppaññā pariyuddhāya tiṭṭhati atha akusalassa samāpatti hotīti.