[222] Pañcime bhikkhave ādīnavā dīghacārikaṃ anavatthacārikaṃ anuyuttassa viharato katame pañca anadhigataṃ nādhigacchati adhigataṃ parihāyati adhigatenekaccena avisārado hoti bāḷhaṃ rogātaṅkaṃ phusati na ca mittavā hoti ime kho bhikkhave pañca ādīnavā dīghacārikaṃ anavatthacārikaṃ anuyuttassa viharato . pañcime bhikkhave Ānisaṃsā samavatthacāre katame pañca anadhigataṃ adhigacchati adhigataṃ na parihāyati adhigatenekaccena visārado hoti na bāḷhaṃ rogātaṅkaṃ phusati mittavā ca hoti ime kho bhikkhave pañca ānisaṃsā samavatthacāreti.