[267] Rāgassa bhikkhave abhiññāya pañca dhammā bhāvetabbā katame pañca asubhasaññā maraṇasaññā ādīnavasaññā āhāre paṭikkūlasaññā sabbaloke anabhiratasaññā rāgassa bhikkhave abhiññāya ime pañca dhammā bhāvetabbāti.

[268] Rāgassa bhikkhave abhiññāya pañca dhammā bhāvetabbā katame pañca aniccasaññā anicce dukkhasaññā dukkhe anattasaññā pahānasaññā virāgasaññā rāgassa bhikkhave abhiññāya ime pañca dhammā bhāvetabbāti.

[269] Rāgassa bhikkhave abhiññāya pañca dhammā bhāvetabbā katame pañca saddhindriyaṃ viriyindriyaṃ satindriyaṃ samādhindriyaṃ paññindriyaṃ rāgassa bhikkhave abhiññāya ime pañca dhammā bhāvetabbāti.

[270] Rāgassa bhikkhave abhiññāya pañca dhammā bhāvetabbā katame pañca saddhābalaṃ viriyabalaṃ satibalaṃ samādhibalaṃ paññābalaṃ rāgassa bhikkhave abhiññāya ime pañca dhammā bhāvetabbāti.