[367] 96 Channaṃ bhikkhave pātubhāvo dullabho lokasmiṃ katamesaṃ channaṃ tathāgatassa arahato sammāsambuddhassa pātubhāvo dullabho lokasmiṃ tathāgatappaveditassa dhammavinayassa desetā puggalo dullabho lokasmiṃ ariyāyatane paccājāto dullabho lokasmiṃ indriyānaṃ avekallatā dullabhā lokasmiṃ ajaḷatā aneḷamūgatā dullabhā lokasmiṃ kusaladhammacchando dullabho lokasmiṃ imesaṃ kho bhikkhave channaṃ pātubhāvo dullabho lokasminti.