[3] Sattimāni bhikkhave balāni . katamāni satta saddhābalaṃ viriyabalaṃ hirībalaṃ ottappabalaṃ satibalaṃ samādhibalaṃ paññābalaṃ imāni kho bhikkhave satta balānīti. Saddhābalaṃ viriyabalaṃ hirī ottappiyaṃ balaṃ satibalaṃ samādhibalaṃ paññā ve sattamaṃ balaṃ etehi balavā bhikkhu sukhaṃ jīvati paṇḍito yoniso vicine dhammaṃ paññāyatthaṃ vipassati pajjotasseva nibbānaṃ vimokkho hoti cetasoti.