[33] Sattahi bhikkhave aṅgehi samannāgato mitto sevitabbo. Katamehi sattahi duddadaṃ dadāti dukkaraṃ karoti dukkhamaṃ khamati guyhamassa āvikaroti guyhamassa parigūhati āpadāsu na jahati khīṇena nātimaññati. Imehi kho bhikkhave sattahaṅgehi samannāgato mitto Sevitabboti. Duddadaṃ dadati cittaṃ dukkarañcāpi kubbati athopissa duruttāni khamati dukkhamānipi guyhamassa ca akkhāti guyhassa parigūhati āpadāsu na jahāti khīṇena nātimaññati yasmiṃ etāni ṭhānāni saṃvijjantīdha puggale so mitto mittakāmena bhajitabbo tathāvidhoti.