[๑๐๐] ทสยิเม ภิกฺขเว ธมฺเม อปฺปหาย อภพฺโพ อรหตฺตํ สจฺฉิกาตุํ กตเม ทส ราคํ โทสํ โมหํ โกธํ อุปนาหํ มกฺขํ ปฬาสํ อิสฺสํ มจฺฉริยํ มานํ อิเม โข ภิกฺขเว ทส ธมฺเม อปฺปหาย อภพฺโพ อรหตฺตํ สจฺฉิกาตุนฺติ ๑ ฯ ทสยิเม ภิกฺขเว ธมฺเม ปหาย ภพฺโพ อรหตฺตํ สจฺฉิกาตุํ กตเม ทส ราคํ โทสํ โมหํ โกธํ อุปนาหํ มกฺขํ ปฬาสํ อิสฺสํ มจฺฉริยํ มานํ อิเม โข ภิกฺขเว ทส ธมฺเม ปหาย ภพฺโพ อรหตฺตํ สจฺฉิกาตุนฺติ ฯ อุปาสกวคฺโค ๒ ปญฺจโม ฯ ตสฺสุทฺทานํ กามโภคี ๓ เวรํ ๔ ทิฏฺฐิ วชฺชิยอุตฺติยา อุโภ โกกนุโท อาหุณิโย เถโร อุปาลิ อาภโพ ๕ ฯ ทุติยปณฺณาสโก ทุติโย ฯ ตติยปณฺณาสโก สมณสญฺญาวคฺโค ปฐโม